الرئيسية / الشعر الشعبي / ابشرك بادي اتعلق باحد ثاني – شريان الديحاني

ابشرك بادي اتعلق باحد ثاني – شريان الديحاني

قصيدة ابشرك بادي اتعلق باحد ثاني للشاعر شريان الديحاني, قصائد مكتوبة

شريان الديحاني

يـ مقصّر ألعمر لاترجع على شاني

طاريك روّح, وضيع بالهوى صيته! . .

أبشّرك.. بادي أتعلق بـ أحد ثاني

بادي أحبّه.. واشيّد بالصدر بيته!

بادي أعيشه غلا من كل وجداني

بادي أسمّيه.. كل اللي تسمّيته! . .

بادي أخليه الأول.. ماهو الثاني!

بادي أشوف بـ قصيدي يبتدي بيته . .

بادي أخلّيه.. ” يعشقني ويهواني”

بادي كثير .. وكثير اللي تهقويته! . .

ذاك لو بس يضحك تضحك أحزاني

هذاك.. هو الحبيب اللي تمنيته :)) . .

هذاك وافي.. وعوّض كل خلاني

هذاك.. من وين ما يصعد.. تعلّيته! . .

هذاك.. لو ضعت بالدنيا بيلقاني

هذاك ما أعرف أحزاني ليا جيته! . .

هذاك أحبّه, كثر كرهي لـ حرماني

واموت به حيل واتجددّ ليااطريته! . .

عساي أموته غلا.. والقاه يحياني

وعساه: يبقى فـ قلبي مشيّدٍ بيته.

شاهد أيضاً

قصيدة الخوف – سلمان بن خالد, قصائد مكتوبة

قصيدة الخوف للشاعر سلمان بن خالد, قصائد مكتوبة منهو الشجاع اللي يسوي سواتي؟ اعرف متى اسافرليا …