الرئيسية / الشعر الشعبي / الاحبك مالتك قل مستواها – يحيى العلاق

الاحبك مالتك قل مستواها – يحيى العلاق

قصيدة الاحبك مالتك قل مستواها للشاعر يحيى العلاق, قصائد مكتوبة

يحيى العلاق

الاحبك مالتك قل مستواها

جانت حارة وبردت شجاها؟؟

جنت تكولها وروحك وياها

بعدها بداخلك واسمع صداها

ليش اختفت بيها لهفة الشوك

لا رجفت قلبي ولا هواها

انت تحبني؟؟ اي والله اكره الاي

من تصير كلمة ورد غطاها

احس كدامها احجاية التنكال

واحس جفيان شر واكف وراها

المن سمعتها؟؟ بمذهبك كول

واسويلك تنازل للخذاهه

هاي الكلمة من تنكال لاثنين

بعد متفيد تفقد محتواها

اليكلك احبك يعني للموت

مو احرف يحركها بشفاهه

الاحبك مالتك! متغيره مو ذيج

ذيج انباعت وغيري اشتراها

شاهد أيضاً

انا واحد مغرم بارض العراق – ناصر الوبير

قصيدة انا واحد مغرم بارض العراق للشاعر ناصر الوبير قصائد مكتوبة انا واحد ، مغرم …