الرئيسية / الشعر الشعبي / الله بوجهج مخلي الشكر كله “مكتوبة” – علي حسن علوان

الله بوجهج مخلي الشكر كله “مكتوبة” – علي حسن علوان

قصيدة الله بوجهج مخلي الشكر كله للشاعر علي حسن علوان, قصائد مكتوبة

الله بوجهج مخلي الشكر كله
علي حسن علوان

الله بوجهج مخلي الشكر كله
ولمن خلق غيرچ ما امدري شخله

الهوا صاحب فضل خله الشعر مرفوع
تطيح بيوتنه ولا طيحة الگذله

اباب الجامعه چا عود بس طلاب
ابوي بشيبته متانيچ بالحله

من تزعلين ولدي بضهري ويكبرون
من تراضيني يدفعوني بالحجله

حطي اللون الاحمر بالعلم حمره
علاقتنا علاقة بلبل وتمره

يالكلچ گطن شمخليه للنداف
خطيه شيشتغل مو عائله بضهره

اشتمچ وانتي خليتيني اصير اعصاب
يابنت العسل يا ام شامه ياشگره
ضحكتي راح اغثچ بالوصف ونشوف

لا چنچ ورد لا واصله لعطره
لا ضحكة حلب لا بيچ من باريس
لا چنچ دبي بس چنچ البصره

شاهد أيضاً

بمنامي وبيك نحلم تونه غافين

قصيدة بمنامي وبيك نحلم تونه غافين للشاعر بارق العاشقي قصائد مكتوبة بمنامي وبيك نحلم تونه غافين …