الرئيسية / الشعر الشعبي / قصيدة الله ياخذني معاك – شريان الديحاني

قصيدة الله ياخذني معاك – شريان الديحاني

قصيدة الله ياخذني معاك للشاعر شريان الديحاني قصائد مكتوبة شعر شعبي الله ياخذني معاك الكلمات

قصيدة الله ياخذني معاك
شريان الديحاني

من غير مطلَع للقصيد الله ياخذني معاك 🙂
من وين ماودك نروح.. و وين ماودك تبي !

انت المواصل والرضى وانا اللي ادور رضاك
وانت الحياه اللي ابيها.. قبل لا احبّك وأبي!

عايش معك بشعور.. ماعشته ولا اظن يخفاك
كل الكلام اللي بعيني.. يسبي شعوري سبي !! ͏ ͏ ͏

ولا عاد تسألني تحب؟ كل يووم يتزايد غلاك
كل يوم اسافر بك غلا من مشرق.. لِ مغربي!

أفهم! عشان اعيش واموت برضى قلبٍ فداك
انا وقلبي غير قلبك يابعدهم مانبي !

خايف من الدنيا عليك.. ومالي بالدنيا سواك
ليت التعب لو جاك جاني.. وآتحلواه إتعبي!

من قلت لي وصلك من الأحلام! حقّقته وجاك
وياك ماعندي سوى: أبشر.. و آمر وشتبي!

اللي يعرفك مايبي غيرك.. ولا يترك هواك!
واللي يحبّك لو عشق غيرك فـ هو فعلاً غبي.

شاهد أيضاً

انا واحد مغرم بارض العراق – ناصر الوبير

قصيدة انا واحد مغرم بارض العراق للشاعر ناصر الوبير قصائد مكتوبة انا واحد ، مغرم …