الرئيسية / الشعر الشعبي / الناس نوعين – مبارك الحجيلان

الناس نوعين – مبارك الحجيلان

قصيدة الناس نوعين للشاعر مبارك الحجيلان قصائد مكتوبة

الناس نوعين
مبارك الحجيلان

كلام بعض البشر قاسي وبعضه لطيف
وبعضه لو إنّه قسا ،،، يرجع لحنيتّه

وترى النوايا مهي دايم بمقصد شريف
إما تجي صافيه ،،،، والا إنها مبيتّه

والناس نوعين تلقاهم خبيث ونظيف
أحدٍ يسم العسل ،،، وأحدٍ على نيتّه

الأول إن جاك يركض لاتحسبه وليف
ماهي بجية غلا / لاتفرح بجيتّه

هذا لو بيوم تحتاجه / بشيٍ خفيف
كنك تبي فزعةٍ من جثةٍ ،،، ميتّه

والثاني مهما خطا أو غاب قلبه صخيف
القلب الابيض يمون وتنغفر سيتّه

وإن جات للجد وإلا جاك ظرفٍ عنيف
والله لتلقاه قبل اخوك / بحميتّه

شخصٍ زيادة عدد / ورفاقته ماتضيف
وشخصٍ يزيدك عساها تزيد ذريتّه

وكاد محدٍ مخلد ،،، والبنادم ضعيف
عسى الله يعطي البشر كلن حسب نيتّه

شاهد أيضاً

قصيدة بعد إذنك – حمد البريدي

قصيدة بعد إذنك للشاعر حمد البريدي, قصائد مكتوبة بعد اذنك وماني على اذنك لحوح لاشك …