بابك ينتظر والهسه مفتوح – للشاعر حسين الساعدي

المن هالعتب مايسوى العتاب
ويه الحاسبينك من الاجناب

انته اتوههمت وتقشمر الروح
يوم الوصفتهم اغله الاحباب!

بابك ينتظر والهسه مفتوح
لكن بلوجه سدولك الباب!

عيش ابحيرتك وانظر بالجروح
ياجرح اليطمك جوه التراب!

هو الجايك هم باجر ايروح
ويساوي الصكر بحساب الغراب!

راح اللي يوافي المدت اللوح
ضل البلطمع يحسبلك احساب!

اوكف عالكسر لا تبقى مطروح
وبزودك تفوت اويه الهوه الهاب

اترك هالعتب واتسلى بالنوح
نوبات النياحه اتواسي المصاب
نوبات النياحه اتواسي المصاب
حسين االساعدي