الرئيسية / الشعر الشعبي / تذكرتها – رائد ابو فتيان

تذكرتها – رائد ابو فتيان

قصيدة تذكرتها للشاعر رائد ابو فتيان مكتوبة, شعر شعبي, قصائد مكتوبة

رائد ابو فتيان 

شگد بعيني بعدچ مرت وجوه
عدن وانتي ظليتي على بالي

المابي ريحتچ ميمر على البال
ماخونچ چنت حتى بخيالي

وانتي اگبالي بس عينچ على الوياي
وبعدني اگبالچ وصار ابدالي

استعجلتي تره الخنتيني وياه
اتعنالچ لان.. فارگله غالي

الفرق مابين نيته ونيتي وياچ
رادچ للهو .. وردتچ حلالي

راد براسچ انتي يخلص الليل
وانا ردتچ تصيرين ام جهالي

مابيه نقص چان النقص بيچ
لان تردين واحد لا ابُالي

الطيب لو بكلشي الاول يصير
اذا ميخون ينذب عالتوالي

واگول الطيبه ذله والغدر عاش
واشوفچ وارجع الطبعي المثالي

لهسه وگلبي يمچ ماله رداد
اجي كامل واردن صدري خالي

واحير الشافني مذلول مهيوب
نازل راسي لكن دمعي عالي

انا غزرت بيه ذيچ الايام
الايام العندچ رخصن وعندي الغوالي

وبعد شيفيدني تصغرين بالعين
صغرتي وكبرت بعيني الليالي

ضعتي وشربت اجدامي الدرابين
واثر خطوه على دربچ مابقالي

وياي ومو علي ثگلانه الوجوه
ميت يلتقي ويه الناس حالي

وطبعا ماكو واحد يضحك وياي
انا خليت واحد مابچالي..!

الخذچ مني حسبته معزب يصير
بعرسي وتالي تابوت شتارلي

يامن يوم ردتك رحت صديت
چنت ابرج ومن فرگاك صديت
بوجه شايب اذا فد يوم صديت
تذكر هيچ بعدك صار بيه

شاهد أيضاً

لاتستحي من واحد ماستحا منك – فيصل العدواني

قصيدة لاتستحي من واحد ماستحا منك للشاعر فيصل العدواني, قصائد مكتوبة لاتستحي من واحد ماستحا منك بعض …