ضميت الخجل – علي المنصوري

علي المنصوري

ضميت الخجل من سولفت ع الحك

اليبيد اكبال ولفه من السهل ينشك

وازاني الخجل وصفت كصتك بير

وانته بضهر صيف البصرة ما تعرك

ترى الما يستحي للشتا يظل ممنون

لان ماكو شمس معذور مايعرك

كتلك ياشراع الفحم لتماشي

ترى بسوك السفن مايمشي الملثك

كلي ؟ شحصلت لمن صرت بسمار

تلم شمل الخشب بس انته شابع دك

شفتهم من اجو كل ضنهم يبوكوك

وخليتك ورا وصار الحجي معلك

وكتلي لخاطري اتركهم ترى ياذوك

وكتلك ع الشرف يتونس الينطك

ــــــــــــــــــــــــــــــــــــــــــــ

للشاعر : علي المنصوري