الرئيسية / الشعر الشعبي / على الله ماتخيب الرجاوي – مبارك الحجيلان

على الله ماتخيب الرجاوي – مبارك الحجيلان

قصيدة على الله ماتخيب الرجاوي للشاعر مبارك الحجيلان, قصائد مكتوبة

على الله ماتخيب الرجاوي
مبارك الحجيلان

نصيحتي : خلك على شي ملموس
وإصدق ولو تجلس لحالك / خلاوي

وترى التجارب تعطي دروس ودروس
ولايصقل الرجال ،،، غير البلاوي

بتمر بك نكبه / واعاصير / وشموس
وتوصل مراحل منت قادر وقاوي

لاتستضيق إن دنيتك حاستك حوس
صبرك !! ولو تكبر عليك الدعاوي

بكره تبي تقدر على كل هاجوس
وبتشرب اللي يجيك / شرب القهاوي

وأهل النميمه والحكي دوسهم دوس
بالصمت / وإرقا مثل نجمٍ سماوي

لاتقول وشفيني ،،، ولاتقول منحوس
قل يالله بدربٍ من الخير ضاوي

وإن خاب ظنك والرجا / سبة نفوس
إعرف على الله ماتخيب الرجاوي

شاهد أيضاً

قصيدة يا صيدلي – حمد البريدي

قصيدة يا صيدلي للشاعر حمد البريدي قصائد مكتوبة ياصيدلي ما معي وصفه ولا يحزنون! لا …