القائمة اغلق

قصيدة استقبل اعوامي حمد البريدي

قصيدة استقبل اعوامي للشاعر حمد البريدي قصائد مكتوبة كاملة

استقبل اعوامي وانا واثق شعور ومستطيع!
احقق احلامي ولو هي عاندتني كل عام

تبعت نفس .. يوم غيري كان يتبع له قطيع!
وحفرت لي بصمة فعل ما كانت البصمه كلام

مافيه ما يستاهل العنوه سوى الذوق الرفيع!
ولا احب الا الصعب .. ولا اكره الا الانتقام

يا صاحب الدنيا سق اقدامك مع الجال الوسيع!
لا ضاقت دروب الليالي وانت مثلك ما يضام

تدري وش اللي لا فعلته ما بعد فعلك صنيع!
ويغنيك عن منة وجيه ولا يعرضك الملام

اترك مسافه كافيه بينك ومابين الجميع!
لا تقترب جدا ولا تبعد .. وبتعيش بسلام

اللي يحبك ياصلك حتى لو ظرفه منيع!
واللي يودك ما يصدق فيك هرجات الانام

مقالات مشابهة