قصيدة المحبه انت حمد البريدي قصائد مكتوبة كاملة
المحبه انت .. وانت الغير عادي!
من عرفتك والمشاعر مستقره
يبتسم يومي ويطرب بك فؤادي!
راحتي برضاك .. حلت كل مره
هاك قلب وهاك عين وهاك غادي!
دله لدربك .. وخذ خيره وشره
ضحكتينك لانهيار الاقتصادي!
وحاجبينك .. حرب في كره وفره
ويش ابي بوجيه خلق الله وانادي!
وجهك الله خالقه زين ومسره
تلبس الكحلي ويغتاض الرمادي!
وكل لون ما لبسته .. مات حره
تبتسم عينك وينبت كل وادي!
ياعساني بينك وبين المضره
انت حبك في حياتي .. غير عادي!
مثل عمري والعمر ياصاح مره
