القائمة اغلق

قصيدة انا جدا سعيد احمد الردعان

قصيدة انا جدا سعيد للشاعر احمد الردعان قصائد مكتوبة كاملة

ليه الهدايا ؟ دامك اجمل ما هداني هالعمر
لو ماهداني هالعمر غيرك .. انا جداً سعيد

ليه الاسف ؟ لا صارت عيونك عن الزله عذر
قدّم لي اعيونك وانا ارضى .. من يقول ابقى عنيد؟

منهو ملك مثلك ملك .. لو هو بلا عرش وقصر
ياكثره بقربك ودونك .. رغْم كثرتهم وحييييد

جيت بحياتي كنك الفرحه عقب طول القهر
وان رحت عني كني المنسي عقب مجدٍ تليد

للمسلمين أعيادهم .. عيد الضحيّه ، والفطر
الا أنا ياكثرها اعيادي معك كلْ يوم عيد

من لهفتي لمعانقك مرجع وانا بنفس العطر
اعانقك وانا بعطر وارجع وانا بعطرٍ جديد

ياصوتك اللي لو جفى قيّد جناحين السهر
ليلٍ بدا بصوتك ترى فجره مهو الفجر البعيد

عطيتك ايامي ولا كنت ارتجي منْك شكر
اعطيت حباً بالعطا م اعطيت راجي شستفيد؟! كلما اقرّب .. شفت فيك اجمل تواصيف البشر
من قال الاشياء تصبح اجمل في نظرنا من بعيد؟

يحزني اني راح احبك بس مره بالعمر
ولا انت تستاهل احبك كل لحظة من جديد

مقالات مشابهة