القائمة اغلق

قصيدة تزاينت قربه – حمد البريدي

قصيدة تزاينت قربه للشاعر حمد البريدي قصائد مكتوبه

قصيدة تزاينت قربه

تزاينت قربه .. لين جيته غلا من اقصاي!
تمثنى الضلوع اللي من الشوق منصكه

حلالاه يازوله , وصوته لاجر الناي!
عيونه جيوش الحرب .. والحرب مندكه

يشيخني برايي .. وانا مشيخه بالراي!
غرامه بسكه والمخاليق في سكه

لو يمر بانفاسه كذا فوق كوب الشاي!
تحلويت شايه .. دون ريبه ولا شكه

اعاتب جفاه ان راح وارضى لاشفته جاي!
ويستانس الجوال لا بين بنكه

غدا حكاي مثل حكاه وحكاه مثل حكاي
سواليفنا في بعض الاحيان مشتكه

تلويت في حبه كذيا بحماي وماي!
وانا لا اتلوى باللي احب .. ما افكه.

مقالات مشابهة