الرئيسية / الشعر الشعبي / قصيدة تفرد بطبعك – حمد البريدي

قصيدة تفرد بطبعك – حمد البريدي

قصيدة تفرد بطبعك للشاعر حمد البريدي قصائد مكتوبة

قصيدة تفرد بطبعك حمد البريدي

تفرد بطبعك .. لا تقلد ولا ترتاب!
ولا تنتظر مدحه ولا تنتظر زله

تسامى بنفسك عزها والزمن طلاب!
ولا غير ربك ترتجي عفوه وظله

ولا تاتي الطعنه سوى من وجيه اقراب!
ولا تاتي الفزعه سوى من هله القله

ليارحت رح للي على وجهه الترحاب!
وسفيه يخلونه هل المعرفه .. خله

ترى الحر ما ينزل سوى عالي المرقاب!
وترى ذلة النفس العزيزه هي الذله

ما انا اجادل الجاهل ولا اخاوي الكذاب!
سلامي على اللي يعقد الحبل ويحله

ادل الوجيه الطيب دون قوقل ماب!
ووجه الردي لايدل دربي ولا ادله.

شاهد أيضاً

قصيدة يا صيدلي – حمد البريدي

قصيدة يا صيدلي للشاعر حمد البريدي قصائد مكتوبة ياصيدلي ما معي وصفه ولا يحزنون! لا …