القائمة اغلق

قصيدة خلك مثل ماكنت مبارك الحجيلان

قصيدة خلك مثل ماكنت مبارك الحجيلان قصائد مكتوبة كاملة

دنياك هذي لاتجيها مـن اقصاك
والله ماتسوه الزعل لو ثواني

ووالله ماتسوى الحزن عيش دنياك
إلى متى الكتمان وسط المحاني

لك خالق لو يغدر البحر نجاك
بيديه رزقك والفرح والأماني

لاتخاف هالعالم ولاتفرح اعداك
العمر واحد مالنا عمر ثاني

كم واحد يفرح بشوفك وطرياك
وكم واحد لامر ذكرك يعاني

ماراح ترضيهم ولو تتعب اخطاك
ولاتقول لاجوك الاوادم كفاني

خلك مثل ماكنت سمع بسجاياك
واحفظ قدرك ووجهك الاولاني

وماتفعله قطه بحر لو عطاياك
تحكي بها العربان قاصي وداني

رزقك بيجيك ولو قعد وقت ماجاك
تره القناعه كنز والعمر فاني

ومدامك الطيب وبيضا نواياك
ابرك من اللي قلب حاسد وأناني

مقالات مشابهة