الرئيسية / الشعر الشعبي / قصيدة صاحب جحا – محمد جارالله السهلي

قصيدة صاحب جحا – محمد جارالله السهلي

قصيدة صاحب جحا للشاعر محمد جارالله السهلي قصائد مكتوبة

قصيدة صاحب جحا

لاعادك الله عون واسناد وخشر ،
ليت القريب من الهقاوي ما نحى

ولاّ الثمان اللي حسبناها عشر
كنها المرض عقب العوافي والصحى

يا سايم السمعه على باب الدشر
تراك مانت بعيد عن صاحب جحا

في سوق هزل الهرج تمش وتشر
العيب مثل النقش يبطي ما امحى

لله حكمه جاعل ألسنة البشر
بالضبط مابين الشوارب واللحى

احد.ٍ كلامه غير صالح للنشر
لا تردعه شيمه ولا رده سحى

واحدٍ يحذف اللب ويعلك القِشر
كن العباد حبوب وحنوكه رحى

واحدٍ مثل وبل السحاب المنتشر
فصيح راي ويخطف ألباب افصحى

يا مجتمع متناسيٍ يوم الحشر
وقدرة آلاهٍ كوّر الارض ودحى

غرّر بك .. منافق وكذابٍ اشر
على غرار النايم اللي ما صحى

وان كلّحت بقعا عواقبها قشر
مصيبةٍ ماتقبل اشوار انصحى

والله وانا واثق وباصم بالعشر
ان ماخذتكم صبح تاخذكم ضحى !

شاهد أيضاً

قصيدة الأقدار – ناصر الوبير

قصيدة الأقدار للشاعر ناصر الوبير قصائد مكتوبة قصيدة الاقدار مكتوبة يقولون بأن الحب جنه واشوفه …