القائمة اغلق

قصيدة في داخلي غصة مبارك الحجيلان

قصيدة في داخلي غصة مبارك الحجيلان قصائد مكتوبة كاملة

في داخلي غصة حزن والصدر بير
سترتها يوم الظنون ،،، اخذلتني

ناسٍ تقدم لي / بالاوضاع تبرير
واهي قبل في عز ضيقي / جفتني

ماني بمن ينسى بكلمات تخدير
لو هي بمية عذر ،،، ماطيبتني

انا على النيه ،،،، ولانيتي غير
وانتم نواياكم مع الوقت جتني

جتني وإذا جيتو بحلف ومعاذير
بقول صح !!! افعالكم نبهتني

علومكم في نقص وعلومي بخير
لاتحسبون طعونكم / روعتني

إذا الوفا ماله ،،، حشيمه وتقدير
أجل صداقة عمر / وش علمتني

وإن كان قوتكم مصالح وتشهير
تأكدو في ضعفكم / حسستني

توي عرفت إن الليالي المعاسير
تكشف لي وجيهٍ مشت وتركتني

وتوي عرفت إن الليالي المعاسير
تظهر لي اللي فالشدايد حمتني

وإن الردي يقلب عشان الدنانير
وإن الجمايل / بالعفون انكبتني

وإن الولي لامن كتب شي بيصير
غصبٍ عن اشكالٍ قبل / حاربتني

بشيل حملي والمعارك تياسير
وأببتسم قدامها ،،، لاصدمتني

متني امضرى للحمل والمشاوير
والحمل لو يثقل يبي يشيل متني

مقالات مشابهة