الرئيسية / الشعر الشعبي / قصيدة قشعريره – حمد البريدي, قصائد مكتوبة

قصيدة قشعريره – حمد البريدي, قصائد مكتوبة

قصيدة قشعريره للشاعر حمد البريدي, قصائد مكتوبة

قصيدة قشعريره
حمد البريدي

عاد باقي للغلا .. فرصه اخيره

كان هذا اللي اقوله في خيالي

ودارت الدنيا برحاها المستديره

وابتسم حظي بوجهك وابتدا لي

في امتحانات البدايات المثيره

الاجابه بسمه ووجهك سؤالي

انت حب ماتمنى شي غيره

لا تجادل في غلاك ولا تمالي

اشر لقلبي واقول انك اميره

واشر لقلبك وقول انه حلالي

تدري ليه الحب يحرقني سعيره

يقشعر الشوق والشوق انفعالي

في ملاقى من تحبه .. قشعريره

مستحيل يحس فيها قلب خالي

شاهد أيضاً

بمنامي وبيك نحلم تونه غافين

قصيدة بمنامي وبيك نحلم تونه غافين للشاعر بارق العاشقي قصائد مكتوبة بمنامي وبيك نحلم تونه غافين …