القائمة اغلق

قصيدة كل ماجيت اوصفك ضاع فيك الكلام سلطان ال شريد

قصيدة كل ماجيت اوصفك ضاع فيك الكلام سلطان ال شريد قصائد مكتوبة كاملة

بين زحمة شعور وبين صعب الكلام
عشت لحظة تناقض بين كبر وله

اجتنبت المعاتب واجتنبت الملام
لين ما ماتت بوسط الصدر الاسئله

اذكر اللي تشوفه في قصور الغرام
والكلام اللي فـ صدرك تفضل قله

حتى لو كان حكيك مثل ضرب الحسام
عاشقك! كثر المعاتب ترا ما يزعله

انت حتى عتابك اسمعه بانسجام
لو تعيد السوالف كلها الاوله!

معك احس بسعاده وارتياح وسلام
ودونك اليوم يا الله ؟ يااا مطوله

عاشقك ما يبي منك سوى الاهتمام
خص لا حده الك الشوق لا تهمله

معك شاف الحياه الين مافيك هام
ومعك يدله خفوق من قبل ما دله

كل ماجيت اوصفك ضاع فيك الكلام
انت اية حسن بين .. البشر منزله؟

مايغطي جمالك لو لبست .. اللثام؟
عينك ان سلهمت ضاع الرجل من هله

مقالات مشابهة