القائمة اغلق

قصيدة مرتاح دامك بجنبي مبارك الحجيلان

قصيدة مرتاح دامك بجنبي للشاعر مبارك الحجيلان قصائد مكتوبة كاملة

إمقابلك شي ،،، ماله وصف / كنّه سحر
الوقت يمشي وأحس الوقت دايم قليل

مرتاح دامك بجنبي ،،، لو جلسنا / شهر
مثل مايرتاح في شوف الضيوف : الأصيل

وشفت السعاده معك عقب العنا والكدر
سعادة إنسان شاف آهلْه ،، عقب الرحيل

بك عطف يشبه لعطف الأم / بالمختصر
أو عطف شايب لطفل صغير يبكي ذليل

إن جيت فأنت الحضور ولايهم من حضر
وإن غبت ساعات / قلنا لك غيابك طويل

حضورك الفارق الطاغي / شبيه المطر
لاصب في واديٍ ميت ،،، وعقبه يسيل

ووجهك ليا من تبسّم ،، مثل نور القمر
فالبر / في منتصف عشره / بليلٍ جميل

ونعاس عينك ،،، ونظرتها ،،، كأنه بحر
بالفجر ،، والموج راكد : كنْه رجلٍ ثقيل

وسوالفك غير ،،، وحروفك تشابه زهر
مع طلة الصبح ،، في بستان جوه عليل

جبرت فيني الاماني ،،، مثل جبر الكسر
وعلمتني كيف اواجه ،، كلمة المستحيل

وزينت في عيني الدنيا ،،، وزان العمر
ولاظن بلقى أحد مثلك / ومالك بديل

دورت عن شي لايق لك / لقيت الشعر
وانا ادري باللي كتبته في وصوفك قليل
.

مقالات مشابهة