الرئيسية / الشعر الشعبي / قصيدة مواطن صالح – ايهاب المالكي, قصائد مكتوبة

قصيدة مواطن صالح – ايهاب المالكي, قصائد مكتوبة

قصيدة مواطن صالح للشاعر ايهاب المالكي, قصائد مكتوبة IHAB AL MALIKI

الشاعر ايهاب المالكي

مواطن صالح و ردت أفهم الفكرة
أذا ما أصير صالح يا ترى شيجرى
انه المبتسم بس بيته بتنك مسگوف
انه الحاسب الزخه حساب بالگطره
انه الي من تنحفر روحه الجروح تفيض
انه البيه نفس مضموم للذكرى
أنه اللازم من اتعب ما اضايكَ
خاف أبو في الثخين حجايتي تكدره
منيتي حجايتي و زلت لساني الرأي
مجبور أنصب الينعرب بالكسره
غصن بالشجرة لكن غصن ما محسوب
حيالله غصن تچمالت الشجرة
يطيني الوطن جم نسمه بس بالليل
ياخذهن مربع حسره وي حسره
اضم أحلامي حتى أسمع أحلام الغير
ممنوع انقري و مسمحولي من اقرأ
صفگت بدمعتي شگد لليضحكون
و على وجهي ملامح سنبله بصحره
انه أبالي وطن بس باله مو وياي
چم مرة التحبه بگلبك تعذره
لأن ما واگف اگباله نساني يجوز
ما بين خيالي الواگف بظهره
عشت بيه حارس و ما عدي شي ينباگ
إلا اشچم حلم ما ينذكر سعره
اعله صوت الدمعه افز مرات
أدور زين مضمام الجفن
خاف انبگت عبره
مو مالي الوطن لكن مجلب بيه
تجرعت اعلموده المره و المره
رغم أني أول اليدعوله من ايطيح
و أول عين لأجله تگابل الحضره
و أول واحد اليتخاني من اتضيج
و أول من يهد رشاشته بكتره
و أول من تگاسمت السنين وياه
و أول من يشد اعله البطن صخره
و أول عاشگ لخاطر حبيبه يموت
و لنفس المحب يدفع سعر گبره

شاهد أيضاً

قصيدة خلك بحر مكتوبة – سطام العتيبي

قصيدة خلك بحر مكتوبة للشاعر سطام العتيبي, خلك بحر الكلمات قصائد مكتوبة كلمات و إلقاء : …