قصيدة يا حلالي شهد الشمري

قصيدة يا حلالي شهد الشمري قصائد مكتوبة كاملة

يا حلالي شبيك شو صاير سبيل
كلمن يعطشك يشربك انت مااي

رخصوك وكمت تركض عالسرابل
بعدة ما صايحلك تكلة اني جاي

الدنيا الدنيا ملت منك وصاحت عليك
لك شنو انت وقابليتك شنو هاي

وينهم وين الغلا وصارو غلاك
والله وسفة بيوم سميتك غلاي

ها يـگاع شما صرت هوة انت گاع
شما تشيل عيونك تذلك سماي

وها يـليل شما صرت هم أنت ليل
شما يطول عمرك يذبحك ضواي

يا حلالي وكلها كامت ترعى بيك

واليريد يقشمرك يلزملة ناي
عوف رايك بيدهم والله كريم

هي ناس الاخذتك هم عدها راي
بأبو زايد كون يالبايع هواك

وبعد من تموت ما تشتم هواي
چفك من يجوع يندل جيبي جان
وخنجرك مسموم بس يندل كفاي

يا حلالي يا حلالي الماكل سنيني حرام
لو تخمس العمر ما تكسب رضاي

العجيبة العجيبة الثامنة من اركض وراك
الله خالقني البشر تركض وراي
مستواي هناك نجم الله البعيد
وانت ناصي هواي مو من مستواي