الرئيسية / الشعر الشعبي / قصيدة يا صيدلي – حمد البريدي

قصيدة يا صيدلي – حمد البريدي

قصيدة يا صيدلي للشاعر حمد البريدي قصائد مكتوبة

قصيدة يا صيدلي
حمد البريدي

ياصيدلي ما معي وصفه ولا يحزنون!
لا شك للوقت وجروحه ماعندك دوى؟

عندك دوى للهواجيس ولا الظنون!
ويقول وضح كلامك ماعرف وش حوى

واقول وشهو دوى الطيب جعل ماتهون!
اللي تردى به اللي من يدينه .. روى

ولا شدوى قلبي المغرم بذيك العيون
اصد به واستحي والظاهر انه غوى

مع انقراض الصدوق وكثر من يكذبون!
خلاصة المسأله (كلمن على ما نوى)

الى اصبح العشق موضه واصبحوا يعشقون!
ياطاردين الهوى .. لا تقتلون الهوى

حنا بدو .. لو تمدنا ملابس ولون
نشفق على البر لا ذعذع براد الهوى

نضحك على الفقر وهموم الزمن والديون!
وحمامة الورق لا غنت .. بكينا سوى

ياصيدلي ما معي وصفه ولا يحزنون!
لا شك للوقت وجروحه ماعندك دوى؟

شاهد أيضاً

قصيدة عيني على ساعتي – حمد البريدي

قصيدة عيني على ساعتي للشاعر حمد البريدي قصائد مكتوبة عيني على ساعتي والعين الاخرى عليك …