القائمة اغلق

قصيدة يشيخ فوق الناس خدّام ربعه – احمد الردعان

قصيدة يشيخ فوق الناس خدّام ربعه للشاعر احمد الردعان قصائد مكتوبة

احمد الردعان

ماترتبط باصل وعمر ” حبّة الراس ”
كم راسٍ انحبه حفاوة .. بطبعه

وكم شايبٍ ماله مع الناس نوماس
لا كبرت القاله تصدد .. بربعه

الطيب الطيب ترى مثل الالماس
ما لوّثت سود الصواديف نبعه

لامن تردى به احد قال .. لاباس
جعل العوض كله فمن كان تبعه

اصفط لي اصفط لك ترى شرع الانجاس
مايرتجي الطيب ورا الطيب شبعه

يكم قصر مملي جواري وحراس
ماقلّطوا غير المقاول ، وربعه

وكم مجلسٍ شارعْه سكّر من الناس
مساحته بالضبط .. خمسه بسبعه

عندي دليل العرق .. ماهو بدساس
يكم ردي اعلوم .. من رحم سبعه

لاصرت منت براس ، وتصادم الراس
تموت ابرك لك .. ولا تصير تبعه

لا تشيّخ بحالك .. يدوسونك الناس
يشيخ فوق الناس .. خدّام ربعه

مقالات مشابهة