القائمة اغلق

قصيدة يعجبني الطيب مبارك الحجيلان

قصيدة يعجبني الطيب مبارك الحجيلان قصائد مكتوبة كاملة

يعجبني الطيب… سريع الفزعه
اللي ليا جاه الحمل ،،، يشتاله

ويتعبني مـن سوى جميل فيني
لاشفت وجهه ثم ذكرت افعاله

الطيب يبقى لصاحبه مايفنى
يكتب له التاريخ ضمن رجاله

ماحب طاري واحدن ماينفع
وفز للي سيرته شعاله

وأفرح على شوف الكريم الشامخ
أبو اليمين الديمه الهماله

راعي هلا وابشر وتم وحاضر
وراعي وفا .. والنايفه منزاله

ويا كرهي والله للبخيل المجلد
الي يحسب ان قيمته بامواله

قولوله ان كنوزه المجموعه
ماهي بتشفعله وحظ عياله

والله ماتقعد ياكود السمعه
وترى النهايه كلنا رحاله

رجل تحفظه للظروف الشينه
ورجل خساره حفظك لجواله

مقالات مشابهة