كان الامل – منيف الخمشي قصائد مكتوبة كاملة
كان الامل اني مع الوقت بنساك
ياما نسيت امالي ولا نسيتك
واليوم يا بعدك يا بعد ويا صعب لقياك
لكني ابحث عنك لا من بكيتك
قد قالو ان الحي مع دور الافلاك
عينه تشوف الحي وينك بغيتك
اعيش هذا الحاضر بضل ذكراك
غصب علي تطري ولو ما طريتك
واليا طريت اسلى وافتش هداياك
واعيش واتذكر وش الي هديتك
انا فقدت مصافحة كف يمناك
وانا عشقت اول مكان التقيتك
ياوردة الجوري على رف شباك
ياشمعة لدربي ليا اضلم ضويتك
الزين عندك يخضع ومايتعداك
انا من اسلوبك وزينك هويتك
يـ ليت وقتي يا هوا البال وياك
عمري مضى وانا على قول ليتك
ما اقول غير الله يحفضك ويرعاك
والله يصبرني ليا شفت بيتك
