الرئيسية / الشعر الشعبي / كلك مالتي – شهد الشمري

كلك مالتي – شهد الشمري

شهد الشمري

ضم شوفك الي الغيري النظر ممنوع
تصد لعيون غيري شحدهة وشحدك
كلك مالتي كلك مالتي ومالك جزئ يعنيك
الجسد والروح الية وكلشي ماعندك

وكلشي البية الك يالتدري اموتن بيك
واحس قيمة الوجودي امنكعد بسدك
ترة مسودني شوكك والتحب اتغار..
ضجت من شامتك جي لازكة بخدك

بالك يوم تغلط لو تصد للغير….
لو حتة بحلم تطلع مرة اتودك
لطبلك بالحلم وياي الف كابوس
وصيحلك وشبكك واختل بزندك

هاي رويحتي المتشم هواك اتموت
ياشهكة نفس للموت ماهدك..
امنصدلك كمت احط حفنة ملح بالعين
خاطر من اشوفك اني ماحسدك

ي حبل اوصااااال عمري وعكدتك بالروح
واني بكيفي اموت وماافك عكدك
تودعني وتروح وتوصل اعلة الباب
وتجيك ارويحتي وللداخل اتردك

شاهد أيضاً

قصيدة رفيقي – مبارك الحجيلان, قصائد مكتوبة

قصيدة رفيقي للشاعر مبارك الحجيلان, قصائد مكتوبة ، دام امنياتي وراها قوة الباس لابد عقب …