كلمات : حمود بن عقرب ال بريك
انت يالي صرت من روحي لروحي
لا تخلي مغرمك ينقل صوابه
الدواء بيديك يا بلسم جروحي
والحبيب يمون حتى في عذابة
انت شف الروح
وانت اخر طموحي
ما يقلل من غلا الغالي عتابه
لا تواخذني على كثر المزوحي
المزوح احيان تعطيك الاجابه
كل ما زاد الغرام وزاد بوحي
قلت ذيع عقلي الباطن كتابه
كل ماخيلت لي برق يلوحي
قلت اخذ من خدها برق السحابه
وانتبه لا قامت الورقى تنوحي
واتقهوى من عوا شهب الذيابه
لا تحطم يابعد روحي اصروحي
فارسك له قيمه وقدر ومهابه
ما تعرف اسباب قربي من نزوحي
لين تعرف موهبة شرح الخطابه
ماخذيت من غموضي في وضوحي
غير مخذ السيف من قبضة نصابه
بهري دلة غلاك اللي تفوحي
كل مايغريك مدفوع حسابه
المهم ان غيرها لا انظر ولا اوحي
يوم عانق طيفها القلب وسرابه
اسكني بالقلب يا شقرا الجموحي
ماسواك ابتاع فيه ولا شرابه
