قصيدة قاسمني الشوق حمد البريدي قصائد مكتوبة
قاسمني الشوق مابه فالهوى مستحيل!
خذني من الازدحام لروحك الهاديه
ما فيه قبلك غلا .. ما فيه بعدك جميل!
نفسي ونفسك على الاشواق متقاديه
اللحظه اللي معك احلى من السلسبيل!
واللحظه اللي بدونك وينها غاديه؟
احبك استهلكوها جيل من بعد جيل!
مافي كلمه تهدي خيلي العاديه
محبتي لك ما ياصفها الكلام الطويل!
لين البدو ياصفون الشوق للباديه
ضلعي جبل واستند به من زمان بخيل
يا ورده .. وسيله الجارف .. ويا واديه
انتظرك العمر كله وانتظر والدليل!
ايام عمري الجميله .. توها باديه
