الرئيسية / كلمات الاغاني العراقية / كلمات اغنية نسيت الود – عبدالله الوسمي

كلمات اغنية نسيت الود – عبدالله الوسمي

كلمات اغنية نسيت الود للفنان عبدالله الوسمي, كلمات الاغاني, lyrics

عبدالله الوسمي

كلمات: يوسف السوداني
الحان: نصرت البدر

كلمات الاغنية:

نسيت الود وحب ياندامه

وانا گلبي الك حصري بغرامه

انا لليوم احن يالماتجيني

وعلى وجهي ولا تلگه ابتسامه

يحالي شلون من بعدك يحالي

افكر بيك واسهرلك ليالي

وبس اسمك شغل فكري وبالي

بعذاب الليل اسهره وما انامه

تاذيت بغيابك صدگ هواي

محتاجك لان زادت اذيتي

صارت كلها ضدي وردتك وياي

جرحي وانت ومصايب دنيتي

انا بهلوكت يمكن غلط جاي

شحچي بشيب گلبي لو لحيتي

شوكت يحن عليه ويرجع هواي

يروحي من القهر والله انسبيتي

نسيت الود وحب ياندامه

وانا گلبي الك حصري بغرامه

انا لليوم احن يالماتجيني

وعلى وجهي ولا تلگه ابتسامه

عذاب الحب والهم قاتل الروح

غيابك مو سهل عايش بنوح

وجودك عندي دنيا شلون انساك

هم سامع جسم يگدر بلا روح

تعال وشوف گلبي شلون ملهوف

يگول اسمك ويحضن كل الحروف

احسك للگلب صرت انت نبضات

تعال ارجعلي ما اتحمل تعوف

بدونك عيني ما تلحگ على الدموع

امسح دمعي الگه الفين تنزل

چنت مثل الجبل من انت وياي

انذليت انت شايف جبل ينذل

عفتني لوحدي ليش ابين الجروح

ولك من جفني دمع العين وشل

حالفلي ابد ما ترضى ببچاي

متگلي شنو الخلاك تقبل

نسيت الود وحب ياندامه

وانا گلبي الك حصري بغرامه

انا لليوم احن يالماتجيني

وعلى وجهي ولا تلگه ابتسامه

شاهد أيضاً

كلمات اغنية جنك عسل – حميد العوضي

كلمات اغنية جنك عسل للفنان حميد العوضي, كلمات الاغاني Humaid alawadi – Lyrics كلمات : علي …