كلمات شيلة بالهون بالهون لاتجيبون طاريه – محمد الصقري

صالح بن نعير محمد الصقري

بالهون بالهون لا تجيبون طاريه
كلمات الشاعر المبدع
صالح بن نعير
أداء المنشد
محمد الصقري

الكلمات :
بالهون بالهون لاتجيبون طاريه
الشوق لا زاد فيني وش ينسيني

ياشوق قلبي عليه ويابري حيه
الشوق فيني ومافيني يكفيني

ياشحنة القلب في زينه وحاليه
والنوم قد له بطى ماذاقته عيني

ياليت بانت على عيني مواريه
وياليتها لو تجيني ماتخليني

ريميتن وصفها في حزم ريميه
والزين فالريم مايبغى براهيني

لاشافها البدر منها ينطفي ضيه
والقاع لامن مشت من فوقها تليني

لعيونها كل صعبه جات مقضيه
بنت الشيوخ المعاريب الدناديني

عذبة سجايا وفي لوصاف حوريه
تبطي العرب في محبتها تماريني

ريم الفلا .. والغلا فالعرق جاريه
يجري بروحي ودمي والشراييني

عاد الغلا والمحبه فالحشا حيه
والبعد لو طال عمره ما ينسيني

ياليتها غيبته من بعدها جيه
فرقاه عوقي وفي شوفه يداويني

الشوق جمره وشب بخافقي كيه
ياليت من مزنة اللقيا يطفيني