القائمة اغلق

كلمات شيلة جرحي غزير سعد آل نملان

كلمات شيلة جرحي غزير سعد آل نملان كلمات الشيلات الجديده 2020

كلمات: راشد حمد القمرا

الكلمات :

ياهجوسي سل سيفك ترا جرحي غزير
عقب رجالً لاضاقت تلوح بيدها
يابومرعي جر صوتك على اللحن المثير
صوتك يخفف همومً علي وِ الدها

الهموم وضيقه البال حطوني سفير
هاتلي همك وجيب الهموم اودها
اشهدن الضيقه اللي معا حزه عصير
ماهي ابهي والهموم ابسوا ولا ندها

والله اني من صدوف الزمن ماني بخير
كلي يوم اتحدني لين قمت احدها
مالقيت اللي مع هموم صدري له خشير
ولا لقيت اللي لجات المصايب ردها

صار صدري من صدوف الزمان السان طير
واصبحت كبدي على اي شي يبيح سدها
الهموم اتهد عزم الرجل لوه كبير
والجبال وهي الجبال الهموم اتهدها

ويش اقول اويش اخلي من الهم الكثير
يعجز لساني لمن قمت وجيت اعدها
التشكي يكسر الرجل فوق انه كسير
هو صحيح انه دوا لاكن اني ضدها

الحمول الهينه شلها ظهر البعير
والحمول الكايده والله محدن قدها
خابت الهقوة فالاصحاب فالوقت الاخير
يحسبون ان المراجل على ماودها

رفقةً ماتجلي الهم وتسر الضرير
الله يلعن والديها ويلعن جدها
ورفقةً ماتمنك لا قدى الموقف خطير
ارتكب فيها جريمه وشوه خدها

احتزم بالرفقه اللي كما السيف الشطير
اصمل من البندق وعزمها من زندها
كل ماجيهنت اترحب وفي الترحيب غير
طيبين الساس جدا وعريبً عدها

والله ماغير ابن عمك ليا صاح النذير
الجموع اهدها والسيوف احدها
وانت لامنك نويهنت اتخاوي يالكسير
رفقتك لعيال عمك احزامك بدها

مقالات مشابهة