كلمات شيلة طيف الخيال الوليد ال عامر
كلمات : محمد الفيفي
معْ فايح البن استوى كيفي وقربت الدلال
واخذت لي فنجال نبّه كل فكرة شاردة
تجمعت عندي الطيوف وصفّت اطيور الخيال
وانا على مركاي أشوف الغايبه المتواجده
ما كنّي الا اقول مالي لا أرى طير الوصال
اللي مراسيله يمن يوم ان علومه واجده
دايم يجيني بالعلوم ولا يكلفني سؤال
في العالم اللي خطّته عشوا و لا له قاعده
وانا الذي رغم الزمن رجّال من ضمن الرجال
اللي مشاعرهم بعض الاحيان كنها معانده
إن صابها الحب وطغى تستحضر السحر الحلال
واتفرّدت باحروفها رغم الظروف الكايده
مشاعري شعر وهواجيسي محبة ما تزال
متمرده عن كل صمت الصادرة والواردة
احاول اخفي سر قلبي غير مافيّ احتمال
الحبر يفضحني على اوراق البياض الشاهده
تبّاً لداء الحب إنّ الحب لا يعرف جدال
وقلوبنا في ساحته ياطول ماهي مجاهِده
يا معشر اصحاب الادب والبوح والعذب الزلال
ان القلوب المغرمه عكس القلوب الحاقده
أعظم شعر واجمل مشاعر في القصيد اللي يقال
محبة الله والحروف اللي لذاته صاعده
وبْيُوت شعرٍ ماتسخّر للعظيم المُتعال..
مضمونها فارغ ولا به من وراها فايده
وقلوبنا والحب يلزمها مع الله اتصال
هذا هو النهج المث