القائمة اغلق

كلمات شيلة لحن الفراق – غريب ال مخلص

كلمات شيلة لحن الفراق اداء غريب ال مخلص كلمات الشيلات

كلمات شيلة لحن الفراق

كلمات : خالد سعد الكتيني

الكلمات :
خيالي كما حرن من النادر المرغوب
ليا هد في خرب الحباري نثر دمـه

دعيته وانا فكري من البارحه مشبوب
على صدر مجلس والهواجيس ملتمه

لضاقت بي الدنيا وبـاب الفـرج محجـوب
وملت عيوني من هـل الحسـد والنمـه

اجيله على عجلن من أمـري وفيه اجـوب
على اسواره أنثـر ما خفـى الصـدر ولمه

واذا هـب في ريح النفل والخزام هبوب
لعب في خفوقي مثل ما لاعـب العمه

من اسباب حبن في عروش الحشا محسوب
نشا في صبـاي وشلت رغـم الصبا همـه

سقيته وفا من صافي الـروح ذوب وذوب
وهديته سنين العمر من صـادق الذمـه

وعلى صوت خطوات الجفا والفراق يشوب
صحى الحالم وسالت دموعه على كمه

رحلتي وأنا باكي على حلمي المنكوب
سوات اليتيم اللي بكى من فراق أمه

ليا مر فيه اللي شكى الحظ والمكتوب
رجع ما شكى من لايعن بالصدر لمـه

من الحزن والتنهيد خدي علاه شحوب
وفي عين تفرح فيك بث السهر سمه

ومن دنيتي وجـه الفرح والسعد مسلـوب
بلحـن الفـراق اللي تقاسيمه الغمه

وعن عاذلن ماله مع أهل الغرام دروب
خفوقي رغم طعن العذل مالفت يمه

تعب ما برى المسحور من سحره المشروب
وأنـا شـاربن حبــك من الجـم للجمـه

مقالات مشابهة