لا تذب روحك على الرايد يروح حيدر الشكري

لا تذب روحك على الرايد يروح حيدر الشكري قصائد مكتوبة كاملة

لا تذب روحك على الرايد يروح
ابنادم يحبك اذا تتجاهله

عيش مثل البير اليعطشك يجيك
الماله حركه الشوفتك لتبلله

اذ تهتم ابشر يثكل عليك
تريده يهتم اهتمامك قللة

لا تتاني الوادم ترد الجميل
لو ردت تخسر ابنادم دللـه

لا تبين روحك بعازة حبيب
تزغر بعينه التظل تتوسله

شما مشه المفتاح راح يظل ذليل
بعد ما يلكه قفل يستقبله

انطي ظهرك لا تظل صافن وراه
صير ناعور النهر لا تنطي عين

انطه ظهره وچلب الماي بگفاه
اليعوفك كون هيج تعامله

الناس تصعد للتمر جي ما تلوح
هي هاي الوادم تحب العله

الماله واهس بيك ما يسوه التعال
راسك أعلى الطاح زحمه تنزله

الدار وجهة وما قره شعندك شعور
كون هم نفس الشعور تبادله

يركض المغزل وما لابسله خيط
عافه عريان وعلى الوادم حله

المعدل مو شكل نية وكلام
الفاله مثل الشص شكلها معدله

عليمن مجلب بوادم ما تجيك
لا تدك باب التجتفه السلسله

كلشي ما تحتاجه كدامك يصير
وفنك اتشوفه اذا تحتاجله

لو جبل هم ينحمل وزنه الثكيل
بس اليجرحك صعب تتحمله

صير عاكول وبعدبالك تفوح
الورد مو كل البشر تستاهله

الذله مو بالفركه اليحبك يجيك
الذله من واحد يحب المو إله