الرئيسية / الشعر الشعبي / منت بمثل غيرك – مبارك الحجيلان, قصائد مكتوبة

منت بمثل غيرك – مبارك الحجيلان, قصائد مكتوبة

قصيدة منت بمثل غيرك للشاعر مبارك الحجيلان, قصائد مكتوبة

منت بمثل غيرك
مبارك الحجيلان

ماأنت بمثل غيرك سهالات لو راح
بدى بك القلب بغلا / وانتهى بك


والفرقا مثل الموت / نزاع الارواح
لكنها أهون عليّ ،،،، من عتابك


نعم اعتابك غير / والشك ذباح
وأنا بشر ،،،، فيني ترى مثل مابك


وتوي امتعافي من هواجيس وجراح
ولااقدر أسمع مِنْك / قسوة جوابك


بقولها فالوجه ،،،، مليت أبرتاح
ومن أولٍ كنت أشكر الحظ جابك


كان التحدي نقلب احزانك افراح
وأغيّر افكارك / وأعالج صوابك


لأني أشوفك طير ،،، لكن بلا جناح
والحزن يقتل فيك / زهرة شبابك


صفيت لك بمسح لك الدمع لاطاح
وكنت القريب أقرب إلك من ثيابك


لكن مشاريهك غدت ،،، سمٍ ذحاح
وتغيب ثم تزعل ،،،، وأنا عند بابك


ومدري هو غيابك يخليك مرتاح
والا غلاك تجربه في غيابك !!!!


كم جيت باشواقي لو الشوق فضاح
على وعدي / بخلصك من عذابك


وفي كل مره /ترمي سهام ورماح
وتحاسب اللي كان / يحسب حسابك


كان الغلا باقي ،،،،، ولا كان ينزاح
ولا ضيعه : غير الظنون وعتابك

شاهد أيضاً

بمنامي وبيك نحلم تونه غافين

قصيدة بمنامي وبيك نحلم تونه غافين للشاعر بارق العاشقي قصائد مكتوبة بمنامي وبيك نحلم تونه غافين …