من كل قلبي احبها ما مجاملها – رائد ابو فتيان

من كل قلبي احبها ما مجاملها – رائد ابو فتيان قصائد مكتوبة

من كل قلبي احبها ما مجاملها
حبيبتي وانا رجالها وخلها

صح ما نتفق مثل الحجر والجام!
بس ما نفترق بالعركه اغازلها

مزاجيين والبيناتنه بكل يوم
نوصل للنهايه وربك يحلها

وضلينه سوه مو لان متصافين
العلاقه التستمر تقوه بمشاكلها

بعد شيفضها اذا مغرور حب مغرور؟
التحرمها گمت عناد احللها

واخبصها احبج حيل احبج موت
ومن تطلبها مني عناد ماگلها

هيه الصحته زينه المرض عنده فراق
وما مهتم ابين من ازاعلها!

وانا عندي نقص لمن عليه تغيب
چن كاتب قصيده وما مكملها