الرئيسية / الشعر الشعبي / نسيم الشتاء – مبارك الحجيلان, قصائد مكتوبة

نسيم الشتاء – مبارك الحجيلان, قصائد مكتوبة

قصيدة نسيم الشتاء للشاعر مبارك الحجيلان, قصائد مكتوبة

مبارك الحجيلان

إتصدق اني كثر مغليك ،، ودي بجفاك
خايف لاأدمن لشوفة وجهك المبتسم

وكلامك اللي ليا قلته ،، تغنت شفاك
يجلب حنين ومشاعر وارتعاشة جسم

والا رجاحتك في عقلك وفي مستواك
وعيونك اللي مهي بعيون !! هذي رسم

تبارك الله / وسبحانه / بشيٍ عطاك
كنك نسيم الشتا أو المطر بالوسم

أشوفك اقرب من العالم عساهم فداك
وأحس في لذة إسمك لانطقت الاسم

مره أقول أتركك / مرة أدور رضاك
ولاجيت أصارحْك لاقادر ولابي نسم

يعني أنا بين بعدك وإلا اكمل معاك
أتعبني هذا الأمر / ياليت لو ينحسم

أو عاد تدري طلبتك خل هذا وذاك
تعال رتب حياتي / شوفني منقسم

شاهد أيضاً

منت بمثل غيرك – مبارك الحجيلان, قصائد مكتوبة

قصيدة منت بمثل غيرك للشاعر مبارك الحجيلان, قصائد مكتوبة ماأنت بمثل غيرك سهالات لو راح …