الرئيسية / الشعر الشعبي / گبل لتروح .. ما يحتاج اوصيك

گبل لتروح .. ما يحتاج اوصيك

گبل لتروح .. ما يحتاج اوصيّك
يوم التحب غيري!! حذر خليك
…او گلبك لا تسلمه
للماعنده رحمه
على درب الندم بيده يدلّيك
* * *
گبل لتروح .. وادري ماكو رجعه
على چفوفك اريد ابچيلي دمعه
واكت اهموم گلبي
بحضنك وادعي ربي
على دربي اريده بيوم يهديك
* * *
گبل لتروح … طوّل خلگك اوياي
ومن اتدير وجهك .. ديره بهداي
عليه اصبر ثواني
الحزن كلّه اجاني
من هسه وبديت ارجف واهم بيك
گبل لتروح ما يحتاج اوصّيك

شاهد أيضاً

بمنامي وبيك نحلم تونه غافين

قصيدة بمنامي وبيك نحلم تونه غافين للشاعر بارق العاشقي قصائد مكتوبة بمنامي وبيك نحلم تونه غافين …