آسف على قسوة ظروفي والحظوظ الشانيه وشكراً ؛
على لطفك بقسوتها لو إني ماقسيت أنتي ذبحتيني..!
بعفــوك وأنتــي ألطف جــــانيه وإذا نسيتي من كــرم طبعك ”
ترانــي مانسيت ‘ يــاأجمل أيامي وألذ أسراري العلانيــه
عــاهدت قلبك والعهــد يبقى موثق ماحييت
حبك مثل درج المحاله من حبال السانيه
بدايته جرة جهد لكن نتيجته ارتويت
ايه ارتوي بك والدليل اعوامنا الثمانية
من حلوها راحت مثل لمح البصر ولا دريت
ياملهمه لك المشاعر كلها متفانيه
أشد من تفاني قلبي لقلبك
طبيعتك يا قربها مثل القطوف الدانيه
من طيبها تدني وانا من لذة الطيب جنيت
ترق روحي لا تبسمتي وشفتك هانيه
واحيان مع بسمتك ماتدرين يمكني بكيت
بياض قلبك والبراءة والعيون الحانيه
ولبيك اللي دايم تخليني انسى وش بغيت
لاتسالين من حسن وجهك ؟ حكاية ثانية
ماهو من أجمل ما رأيت إلا انتي اجمل ما رأيت .
