اشهد ان وجهك يجيب العافيه – ناصر الوبير

اشهد ان الله عطى وجهك قبول

كل ماشوفه .. اشوف العافيه

جيتك وصدري من اللهفه يطول

ممتلي شوق ومشاعر دافيه

سامح الله عقرب الساعه .. عجول

نصف ساعه والله ماهي كافيه

انت حتى الشعر في وصفك خجول

وكل كلمه في سموك وافيه

من كثر مارمشك الناعس كسول

كن عينك في هدبها غافيه

نصف ساعه فاهي بوجهك واقول

اشهد ان وجهك يجيب العافيه

ـــــــــــــــــــــــــــــــــــــــــــ

لــشاعر : ناصر الوبير