الايام دواره – فهد العدواني قصائد مكتوبة كاملة
يا شيب عيني اثر لـ الايام دواره
احدٍ يبي منك والأخر تبي منه
والناس بالناس مأموره واماره
واليا بكا الاول الثاني ضحك سنه
والخلق نصفين مكسوره وجباره
احدٍ يحنك من الايام وتحنه
واذا ابتلا الأدمي في ناس بواره
ماهو بمرتاح والايام يبلنه
والنفس ياوقتنا بالسو أماره
ونهاية العبد اما ناررر او جنه
اخفيت لي هم لو اقوا على اشهاره
ماكنت به اردف الونه باثر ونه
وانفسي اللي من التفكير منهاره
اليا اختلف ظن من ظني على ظنه
صبرت لو البشر ماهي بصباااره
وعتقت لي شي فيه الناس منجنه
مرضات للي يعلم العبد واسراره
الواحد اللي مايلحق بالعطا منه
ظروف الانسان والايام دواره
احدٍ ترجاك واحد ترتجي منه
