الخاطر يضيق – عبدالهادي بن صبح قصائد مكتوبة كاملة
الخاطر يضيق والدنيا علينا تضيق
والله عليه انفراج المعضله والسعه
شيٍ نطيقه يحملنا بما لا نطيق
مايقبل العذر فيه وشرهته موجعه
تحرجك فزعة غريب وتنخذل من صديق
أيامك القاسيه تكشف لك الاقنعه
خلان وقت الرخا وأصحاب نص الطريق
أن كان ماضرتك مامنّها منفعه
رغم كذا ما انكسر خاطر ولا جف ريق
الجاي نستقبله والمقفي الله معه
والله لو تحدنا الدنيا على أصعب مضيق
مانستعين بضعيف الراي والأمعه
منصاي ابوفعل يجمل ووجهٍ طليق
اللي ماغير المروّه حاجةٍ تدفعه
لو جيته وهم صدري كبر هضبة طويق
يدفها كلها عني براس اصبعه
ولا الردي لو على سبع الكواكب يويق
خسارته مربحٍ يجلب لك المنفعه
