العب على نفسك وخلك بالاوهام – حمد ال جميله قصائد مكتوبة
العب على نفسك وخلك بالاوهام
واضحك وقول انك تناسى يابلفيت
وزيف شعورك بالوناسة والاحلام
عادك بتدري كيف في حقي اخطيت
لا تحسب اني عقب فرقاك منظام
ابشرك باني مع الوقت سديت
جروحك اللي كان فيني من اعوام
نزفت منها شوي عقبه تعافيت
والشارع اللي خابره انت قدام
بيتك تراني تبت ماعاد مريت
قد لي ثلاث شهور ماهي بيام
ولا جيت صدفه ماشحني وصديت
شبعت من فرقاك ومن كثر الالام
وشكرت منها عقب ماانا تقهويت
