اللي ماهو بمقسوم – فيصل العدواني قصائد مكتوبة كاملة
اللي ما هو بمقسوم ما هو بمقسوم
و الرزق بيد الله و الأنعام بيده
قم أطلب الوالي و ناجيه كل يوم
يغنيك عن منّة عطايا عبيده
يا قوم لو أنك تهقويت يا قوم
و شبحك سماوي للنجوم البعيده
ما سمت شيءٍ ما دخل حيّز السوم
و كنك خطا غيرك لنفسك تعيده
لو تجتهد و تقوم و تطيح و تقوم
و لك نفس ما ترضى و دايم عنيده
و تهذل هذال الذيب و تغوص و تعوم
ما صدت غير اللي كتب لك تصيده
ترا البشر مابين معطى ومحروم
ناس بخير وغيرهم عالحديده
وترا الغنا بالستر والعافية دوم
وأكبر حظيظ اللي صلاته رصيده
