الورد يذبل لارحل صاحب الورد – خالد دخيل

الورد يذبل لارحل صاحب الورد – خالد دخيل قصائد مكتوبة كاملة

أواصلك وتبادل الوصل بالصد!
واليا بغيت مواصلي عند عينك

وأسعي لقربك كل ما جيتك تند!
واحن لك وتشح عني بحنينك

لو بحسب أخطائك أبتعب وانا اعد!
انا لو اسكت عنك نفسك تدينك

تعرف خطاك وادري ان ما معك رد!
لكن على اللي جاي ربي يعينك

ماعاد انا بجامل السالفه جد!
ضاعت سنيني ومستلذ بسنينك

انا نويت احط للسالفه حد!
وان كان ودك فالمواصل بدينك

ان كان ودك بادل الود بالود!
واشعل شموع الدرب بيني وبينك

ماني على كيفك تبي تروح وترد!
تترك معي ورد وانا احتار وينك

الورد يذبل لارحل صاحب الورد!
لو كان تسقي وردته ماي عينك