انا عارف بتستغرب – راشد بن فهد قصائد مكتوبة كاملة
انا عارف بتستغرب!
واعرف بيزعلك ردي
تعبت اضمى بحر حبك
وانا واقف على سيفك!
رخص قدرك بعد ماكان
قدرك وين متعدي!
ماعاد اشفق على بردك
ولا اشفق على صيفك
خلاص العذر ما ينفع
مادام الزمن ضدي
كلفت بمحبتنا
ولو ما شفت تكليفك!
تبي عاد الصحيح
اللي دفنته ورا سدي؟
انا خايف من الفرقى
لو انها ماهي تخيفك!
انا خايف من دموعي
اذا سالت على خدي!
وطيفك خايف منه
كثر ما اشفق على طيفك
اذا ردت على قلبي
ماودي احسبك ندي!
ولا ودي تخليني
ولا بامكاني اعيفك!
ولو انها علي ردت
فانا ودي ولا ودي
يتل القلب نضراتك
ورده عنك تزييفك!
على كــــــــــــــــيفك!
تبي قربي تبي صدي
تبي تشره تبي تقعد تبي تمشي
على كــــــــــــــــيفك!
