انت اغلى عندي من الغالين – مبارك الحجيلان

انت اغلى عندي من الغالين – مبارك الحجيلان قصائد مكتوبة كاملة

انت اغلى عندي من الغالين
وادري من الناس .. تغليني

وادري بك اوفى من الوافين
والشي شفته .. وسط عيني

عسى الله يسعدك قول امين
افهمني وافهم عناويني

ارتاح … مدامنا حيين
ترى غلاك بشراييني

وابعد عن الشك والتخمين
واقراني .. تعرف مافيني

لي وجه واحد مهو وجهين
وصراحتي حيل .. تأذيني

يالغالي ماني من المقفين
والود من بينك .. وبيني

مابيك تقسى مع الباقين
وابي بعقلك تداويني

خل الوصل موعده بعدين
وخل انعزالي .. يخاويني

ماعاد انا قادر .. الروتين
اللي من اول … يسليني

أشوفك أنت الأمل هالحين
ياللي بحنانك ،،، تغطيني

واشوفك النور يوم اتبين
ويالنور : مابيك تعميني

قدرني يااغلى من الغاليين
أنا اللي فيني ،،، مكفيني