قصيدة اوقت الساعة للشاعر حمد البريدي, قصائد مكتوبة
اوقتّ الساعه على الذكرى
واعيشها مع فارق التوقيت
يا ليت لحظات الزمن تشرى
كان اشترى راحة فكر وابيت
صادق اذا ،، لهفاتنا قشرى
وكذاب لو باقول : ما حبيت
يا ذاك .. يا اول عابر ومسرى
خذيتني كلي ولا بقيتّ
اهون علي ارسل ولا تقرى
من شوفتك تقرى ولا رديت
كرهتّ نفسي فيك وانت ادرى
اني من يحبك ورب البيت
محد يتمنى جرح ما يبرى
الا انا وجرحي معك .. يا ليت
يبقى معي لك جرح للذكرى
عشان اشوفه كل ما حنيت
