بعض البشر ماهو كفو لإلتفاتي! – ماجد الديحاني قصائد مكتوبة كاملة
ماكل من يخطي علي بلتفت فيه
بعض البشر ماهو كفو لإلتفاتي
وماكل من يضحك بوجهي بخاويه
كم وجه يضحك لي ويطعن بذاتي
وماكل من يزعل بناديه و ارضيه
لو اخسر انذال البشر ليه احاتي
وماكل من قفى بتبع خطاويه
من صد عني ما يزعزع ثباتي
اسحب على وجيه الردا واحشم وجيه
لعيونها عادي لو ارخص حياتي
واكره ماعندي من يحب المشاريه
الي على ادنى شي يظلم صفاتي
يبيني انافق ، واجامل ، وجاريه
ماهوب من طبعي ولا من سماتي
لي وجهي الي مايغير مباديه
وكرامتي عزي وصيتي غناتي
من كثر الظلم وكلام المسافيه
تغنيني افعاالي وهيبة سكاتي
